شباب رايق

هى الدنيا إيه غير أسئلة و إجابات و شويه حاجات فوق بعض

أسئلة
ممكن تكون غريبة
ممكن تكون موجعه
ممكن تكون مستفزة
ممكن تكون ملهاش إجابه
ممكن تكون خايف تجاوبها أصلا

ما تقرأو من غير كلام كتير بقى
على فكرة الاسئلة ملهاش علاقة ببعض خاااااالص هه

ريدى
إستيدى
جووووووووو

تقدر تقوللى أخر كتاب قريته كان أمتى؟
كتاب مش ميكى جيب و رجل المستحيل ؟ هه

لو انت خريج زراعه زى حلاتى و ابوك الله يرحمه ممعهوش يجيبلك شقه و مرتبك أخره 600 جنيه
تقدر تقول هتحوش تمن الشقه فى اد ايه؟؟؟!!!
لما حسبتها لقيت انك بعد خصم مصاريفك الشهريه و تحويش الباقى
تبقى عايز 15 سنه عشان تحوش 70 الف جنيه عشان تجيب اقل شقه فى مصر
لكن السؤال الاعجب " هو هتكون في شقه فى مصر بـ 70 الف جنيه بعد 15 سنه "؟؟!!
هه.... ابقى قابلنى

عمرك فكرت تبقى أحمد زويل او عمرو خالد او صلاح الدين؟؟؟؟؟
على اساس انك مش ناقص رجل ولا هو عنده مخ زياده على رأى ستى الله يرحمها هى كمان

عمرك فكرت تغير حياتك كلها و تغير طريقه أكلك و طريقه شغلك او مجال شغلك أو دراستك؟؟؟؟؟
مش لمجرد التغيير لكن عشان انت محتاج كده فعلا
أخر مره تبرعت بجزء من فلوسك لأى حد او اى جهه محتاجه فلوس كان أمتى؟؟؟؟؟
يا رب تكون فاكر
عمرك قعدت مع نفسك و مسكت ورقه و قلم وفكرت انت عايز تبقى ايه كمان سنتين مثلا وحطيت خطه عشان كده و لو معملتش كده يبقى معملتش كده ليه؟؟؟؟

على فكرة عندى أسئلة أكتر من كده بكتير أوى
بس أظن الفكرة وصلت
واللى موصلتلوش الفكرة ميخافش
عندنا خدمة دليفرى